Shërbime që i propozohen  administratës

Duke qenë një qendër e shërbimeve dhe njohurive lidhur me administrimin aftgjatë të dokumentacionit në vend, Arkivat Kombëtare Shqiptare (AKSH), kanë për mision të ndihmojnë në përgjithësi administratën shtetërore për të trajtuar dhe administruar mirë dokumentacionin  e vet.

Administrimi i dokumenteve
AKSH kërkojnë zbatimin e normave dhe të rregullave për administrimin e dokumenteve. Ato kontrollojnë respektimin dhe zbatimin e tyre nga shërbime të ndryshme të administrates së përgjithëshme, duke i dhënë gjithashtu mbështetje dhe këshilla.

Propozime
AKSH vlerësojnë dokumentet që u propozohen, më pas përcaktojnë dokumentet të cilat do të pranohen duke u mbështetur mbi parimet e përcaktuara në Ligjin për Arkivat. Objektivi është të pranohen dhe të merren në ngarkim dokumentet e rëndësishme për brezat e ardhshëm, e thënë ndryshe, dokumentet që mundësojnë rindërtimin e aktivitetit të administratës së përgjithshme dhe që përmbajnë informacion me interes të përgjithshëm.

Dorëzimi
Arkivat Kombëtare Shqiptare janë të gatshëm  për të këshilluar dhe drejtuar në përgatitjen dhe dorëzimin fizik të dokumenteve.

Shfrytëzimi dhe konsultimi
Fondet e AKSH të cilave u ka përfunduar afati i mbrojtjes, janë të shfrytëzueshme nga të gjithë. Dokumentet arkivore nuk mund të konsultohen veçse në sallën e leximit, ku një ekip është në dispozicion për të udhëzuar në kërkimet tuaja. Shërbimet që kanë dorëzuar dokumente të prodhuar prej tyre, mund t'i konsultojnë ato në çdo kohë.